Ene Mê Ene Charlie

0
983 kez

 

Qebél ĥeftiyé kem véĥét hecemu ‘ele dergi yıtlaĥ fi Fransa. Îsímmu Charlie Hebdo.Âkı’d dergi kekísseve qariqatur beĥs Nebine Muĥemmed.Fi él qariqatur kílĥaqru nebil Íslêm.

‘Ele şevf él qariqatur exxeyn qâmu qetelu ífneĥş véĥét lé keyí’mílu fi Charlie Hebdo. Eclep kelíhén ‘alâqa fi él qariqatur u eclep mê kelíhén ĥıssa fíl qıssa.

Avrupa be’et él qetél, qâmot ‘ele ícre. Sârot môda. Íkfîré ínsênêt fi Avrupa baqa îqûlu “Kíllítne níĥné Charlie Hebdo!

Charlie Hebdo îĥaqqor Nebine Muĥemmed, exxeyn mín El Qê’ide îqûmu yíqtílu ífneĥş véĥét. Bíl í’lûf ínsênêt îqûmu îsîru Charlie Hebdo.

Xôş mes’elé!

Eclep yíl’ebu ‘el Íslêm ul Míslímin lí’bêt.Fi kíl şart Míslímin yıtla’u xısrânin.

Şeyş?

Ílle belé níĥnél Mislíminímmé yílzém ınĥıt él mes’elé fi ífrêğ şi.

Dergi îsey ĥaqâra şe Ĥz. Muĥemmed(‘A.S.). Êwe uvé ‘eyp Avrupa u Fransa.

Lé ínqetel ífneĥş véĥét. Eclep mínnén mê kelíhén şi qabâĥa.Avlok vebêlén íş dîsir?

Fi êyé fíl Qur’an,fi él me’né:”Lé yíqtél eĥet şi bele ĥaq keme kílqetelí’n nés kíllén.

Charlie Hebdo seve ğalat bôş íkbir. Belé âkıl exxeyn sevev ğalat akbar.Mín víççén Míslímin kíllén lé fi Avrupa díyítheccícu.

Xatru ímbelkén be’et 11 Îlon íş cıri fi râsıl Míslímin.

Bôş lê atavvıla ‘eleykén.

Níĥnél Míslímin yílzém nít’ellém şi bôş meli.Çêxlé ıntış şi ğalat dínqûl él şi uvé ğalat.Ínke Avrupa sevet ğalat uvé ğalat u ínké eĥet şi mín beynetne seve ğalat, âkımmé uvé ğalat.

Fi êwimmé níĥnél Míslímin íş lé ínsey xey ínsey; yílzém nıxlas mín fef belêvêt.El Qê’ide, IŞİD ul cehêlé.

Evlél fef eşeyêt ínné bele fi râsıl Míslímin ul Íslemiyé.

Míslém tímkén yınğıdor. Belé yílzém mê yığdor.Míslém tímkén yınzılom ílle belé yílzém mê yızlom.

HENÜZ YORUM YOK

CEVAP VER